बजेटमा किसान पेन्सनको कुरा गरिएको, त्यो उत्पादनसँग सम्बन्धित भएको तर चुनावसँग सम्बन्धित नभएको मन्त्री शर्माले जिकिर गरे ।
अर्थमन्त्री शर्माले आफ्नो प्रयासमा केही कमजोरी भएको पनि हुन सक्ने स्वीकार गरे । निर्माण ब्यवसायी लगायत केही क्षेत्रबाट गुनासो आएको भन्दै मन्त्री शर्माले ती गुनासोहरु सम्बोधन गर्ने ठाउँ बाँकी नै रहेको उल्लेख गरे ।
अहिलेको बजेट ल्याउने काममा प्रधानमन्त्री शेरबहादुर देउवासहित, माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका माधव नेपाल, जसपाका उपेन्द्र यादवले मार्ग निर्देशन गरेको पनि मन्त्री शर्माले जानकारी दिए ।
