राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) को वाइडबडी ए–३३० जहाज बिहीबार साँझ ५ः५५ बजे सफल अवतरण गरेको हो ।सो बिमान काठमाडौंबाट भैरहवामा ५० मिनेटमै अवतरण गरेको थियो ।
विमानस्थल गत बैशाख ८ गतेदेखि विधिवतरूपमा सञ्चालनमा आइसकेको छ ।आगामी जेठ २ गते बुद्धपूर्णिमाका दिनदेखि नियमित अन्तर्राष्ट्रिय उडान सञ्चालन हुनेछ । जजिराले आउँदो जेठ २ गतेदेखि हप्ताको तीन दिन कुवेतबाट गौतमबुद्ध विमानस्थलमा उडान गर्ने गरी अनुमति पाएको छ ।गौतमबुद्ध अन्तर्राष्ट्रिय विमानस्थलका प्रशासन अधिकृत विनोद सिंह रावतले वायुसेवा निगमको वाइडबडी जहाजले सफल परीक्षण उडान गरेको बताए ।