काठमाडौं । सरकारले मध्यरातीदेखि फेरि पेट्रोलियम पदार्थको मूल्यमा भारी वृद्धि गरेको छ ।
नेपाल आयल निगम लिमिटेडले मंगलबार विज्ञप्ति जारी गर्दै गएराती १२ बजदेखि लागू हुने गरी पेट्रोल, डिजेल, मट्टितेल, खाना पकाउने एलपी ग्यास लगायतका सबै इन्धनमा भाउ बढाउएको हो ।
दुई दिनअघि मात्रै आयल निगमले खरिद मूल्यमा भाउ बढेको देखाउँदै पेट्रोल, डिजेलको भाउ एक रुपैयाँ घटाएको थियो ।
नयाँ मूल्यअनुसार, पेट्रोलको भाउ प्रतिलिटर १६० रुपैयाँ तथा डिजेल र मट्टितेलको मूल्य १४३ तोकिएको छ ।
यस्तै, खाना पकाउने ग्यासको मूल्य प्रतिसिलिण्डर २५ रुपैयाँ बढाइएको छ । नयाँ मूल्य अनुसार ग्यासको भाउ प्रतिसिलिण्डर १६ सय रुपैयाँ रहेको छ ।
निगमले नयाँ मूल्य समायोजनपश्चात पनि एक महिनाको अनुमानित ९ अर्ब २७ करोड घाटा हुने जनाएको छ ।
निगमले निकालेकाे सूचना हेर्नुस्ः
