काठमाडौं। साताको चौंथो कारोबार दिन आज (बुधबार) सेयर बजार परिसूचक (नेप्से) ३०.५१ अंकले घटेको छ।
नेपाल स्टक एक्सचेन्जका अनुसार आज ८ अर्ब ३ करोड ३२ लाख १२ हजार ७४२ रुपैयाँ बराबरको कारोबार भएकोमा नेप्से भने घटेर २८०३.६२ मा झरेको छ।
बुधबार विभिन्न कम्पनीका १ करोड ६१ लाख ४७ हजार ३९० कित्ता सेयर कारोबार भएको नेप्सेले जानकारी दिएको छ। नेप्सेका अनुसार बुधबार कारोबार भएका मध्ये व्यापार समूह, म्यानुफ्याक्चर तथा उत्पादन समूह र इन्भेष्टमेन्ट समूहको सेयर बढेको छ। वाणिज्य बैंक, विकास बैंक, होटेल, हाइड्रो लगायतका अन्य समूहको कारोबारमा भने गिरावट आएको छ।