युक्रेन रुस युद्धकै कारण बढ्दै गएको सुनको भाउ शुक्रबार नेपालमा प्रतितोला ६ सय रुपैयाँले बढेको छ ।
छापावाल सुनको भाउ शुक्रबार तोलामा एक लाख दुई हजार ६ सय रुपैयाँले कारोबार भइरहेको नेपाल सुनचाँदी व्यवसायी महासंघले जनाएको छ । बिहीबार सुन तोलाको एक लाख दुई हजार रुपैयाँ कायम थियो ।
यस्तै, शुक्रबार तेजावी सुनको भाउ तोलाको एक लाख दुई हजार एक सय रुपैयाँ निर्धारण भएको छ ।
चाँदीको भाउ पनि शुक्रबार तोलामा १० रुपैयाँले बढेको छ । बिहीबार एक हजार चार सय पाँच रुपैयाँमा कारोबार भएको चाँदी शुक्रबार एक हजार चार सय १५ रुपैयाँ निर्धारण भएको महासंघले जनाएको छ ।