आइतबार ढुवानी व्यवसायी, ट्यांकर चालक र आयल निगमका प्रतिनिधिबीच भएको वार्ता सहमतिमा टुंगिएपछि इन्धन ढुवानी थालिएको हो । भोलिबाट व्यवसायीले माग गरेजति नै तेल उपलब्ध गराइने भएको छ ।ट्यांकर चालक संघले कमिसन बढाउनुपर्नेसहित विभिन्न माग राख्दै ’लोड–अनलोड’ रोकेपछि राजधानीका निजी पम्पहरू पेट्रोलियम पदार्थको अभाव भएको थियो । पेट्रोलियम पदार्थको प्राविधिक चुहावट÷नोक्सानी हुँदा चर्को जरिवाना तिर्नुपरेको, समयमै कमिसन नपाउने गरेकोलगायत माग राख्दै चालकले ढुवानी बन्द गरेका थिए ।
