काठमाडौं । नेपाल औषधि लिमिटेडले थप १० वटा औषधि उत्पादनको अनुमति पाएको छ । कम्पनीलाई १० वटा औषधि उत्पादन गर्न औषधि ब्यवस्था विभागले अनुमति दिएको नेपाल औषधि लिमिटेडको प्रबन्ध निर्देशक मोहम्मद सफिउल्लाहले बताए ।
नेपाल औषधि लिमिटेड लामो समयदेखि औषधि उत्पादनको अनुमति माग्दै आएको थियो ।
थप १० वटा औषधि उत्पादनका लागि विभागले लिमिटेडलाई प्रमाणपत्र प्रदान गरेको छ ।
प्रबन्ध निर्देशक सफिउल्लाहका अनुसार अब नेपाल औषधि लिमिटेडले सिटामोलसहित १३ वटा औषधि उत्पादन गर्नेछ ।
नेपालमा सिटमोलको अभाव भइरहेका बेला विभागले RDZ-400, Cetaplus, Cetrimine, Amgit-400, Ardiron-60, Neprofen-400, Haemodialysis Fluid part A, Haemodialysis Fluid part B, Ardicipro-500, Azcin-500, Amgit Df औषधि उत्पादन गर्नेछ ।