कोरोना संक्रमण कम हुँदै गएपछि सार्वजनिक ठाउँमासमेत मास्क लगाएर हिड्न छाडेका थिए । गएको निर्वाचनमा समेत मतदातालाई मास्क अनिवार्यसमेत गरिएको थिएन ।
केही दिनयता कोरोना संक्रमण दर बढ्दै गएको छ । दिनहुँजसो एक भन्दा बढीलाई संक्रमण देखिन थालेको छ । शनिवार मात्रै पनि देशभर थप १०२ जनामा कोरोना भाइरसको संक्रमण पुष्टि भएको स्वास्थ्य मन्त्रालयले जनाएको छ।
मन्त्रालयका अनुसार पछिल्लो २४ घण्टामा २ हजार ६ सय १५ जनाको परीक्षण गर्दा १ सय २ जनामा संक्रमण पुष्टी भएको छ ।
शनिवार देशभर १५३९ जनाको पीसीआर परीक्षण गर्दा ७२ जना र १ हजार ७६ जनाको एन्टिजेन विधिबाट परीक्षण गर्दा ३० जनालाई संक्रमण पुष्टी भएको छ ।
अहिले देशभर ६०५ जना सक्रिय संक्रमित रहेको पनि स्वास्थ्य मन्त्रालयले जनाएको छ ।
