काठमाडौं । सरकारले तिहारका लागि काठमाडौं उपत्यकाबाट बाहिरिनेहरूलाई कोभिड–१९ विरुद्धको खोप लगाउने कार्यक्रम गरेको छ ।
कोटेश्वर, गोंगबु, बल्खु र कलंकी चोकमा यात्रुहरुलाई कोरोनाविरुद्धको खोप दिन लागिएको हो । यि चार स्थानमा आज बिहानदेखिनै खोप कार्यक्रम सुरु गरिएको छ ।
दुईदिनसम्म यो कार्यक्रम सञ्चालन हुनेछ । बिहान ७ बजेदेखि बेलुका ४ बजेसम्म यो कार्यक्रम सञ्चालन हुनेछ । आज र भोलि दुई दिन चल्ने खोप कार्यक्रममा आफ्नो उमेर खुल्ने परिचयपत्र देखाएर खोप लगाउन सकिनेछ । खोप निशुल्क लगाइने छ । स्वास्थ्यमन्त्री विरोध खतिवडाले दुईदिनमा नसकिए यो कार्यक्रम थप गर्न सकिने जानकारी दिए ।