नेपालीलाई उद्धार गरेको फुटेज प्रहरीले सार्वजनिक गरेपछि यो घटना चर्चामा आएको हो । स्थानीय प्रहरीले ६ जना पाकिस्तानीलाई पक्राउ गरि सार्वजनिक गरेको छ ।
नेपालीहरू गत हप्ता ताक्सिम स्क्वायरमा हिँडिरहेको बेला ती गिरोहका सदस्य उनीहरूको नजिक आई बन्दुक देखाई उनीहरूसँगै लगेको डेलीसबाहले लेखेको छ ।
नेपालीहरूलाई इपसुल्तान जिल्लाको एउटा घरमा राखेर तीन दिनसम्म यातना दिइएको थियो । प्रहरीले पीडितलाई बचाएर पक्राउ गरेको घरमा छापा मार्दा अपहरणमा प्रयोग हुने चक्कु र पेस्तोल बरामद भएको छ ।
प्रहरी अनुसार सन्दिग्धहरूको यातनाको भिडियो खिचेर पीडितका साथी र इस्तानबुलस्थित स्थानीय नेपाली संघका सदस्यलाई (१०,००० ) युरो ( १०,६७४ ) डलर फिरौती मागेका थिए। भिडियो पाएका साथीले प्रहरीलाई जानकारी गराएपछि प्रहरीले अनुसन्धान सुरु गरेको थियो ।
फिरौती लिन आएका अली एच र मुहम्मद एस दुई जना पाकिस्तानी पुरुष, पाकिस्तानी महिला अस्मा एमसँगै पक्राउ परे। प्रहरीले आधा खाली घरमा छापा मारेको थियो, बाँकी गिरोहलाई नियन्त्रणमा लिएको छ ।
उनीहरुलाई लुटपाट, अपहरण र हतियार कानूनको उल्लङ्घनको आरोप लगाइएको छ ।
