यो गीत माइकलको निधन भएको एक वर्षपछि सार्वजनिक गरिएको थियो । यो गीत सार्वजनिक हुनासाथ केही फ्यानले गीतमा अमेरिकी गायक जेसन मलाचीको ओरिजिनल स्वर रहेको दाबी पनि गरेका थिए ।
माइकलले सन् २००७ मा निर्माता एडवर्ड क्यासियो र जेम्स पोर्टेसँग यो गीत लेखेर रेकर्ड गरेका थिए । तर, गीत रेकर्ड भएपछि उनका परिवारकै केही सदस्यले ‘के गीतमा माइकलकै स्वर थियो त ?’ भनी सन्देह व्यक्त गरेका थिए ।
रेकर्ड कम्पनी र ज्याक्सनका प्रतिनिधिले गीतमाथि भइरहेको विवादलाई सजिलो तरिकाले समाधान गर्न गीत हटाउने निर्णय लिएको जानकारी दिएको छ । तर, गीतको प्रमाणिकरणका विषयमा कुनै शंका नगर्न उनीहरुले आग्रह पनि गरेका छन् । उनीहरुले स्ट्रीमिङ साइट्समा एल्बमका अन्य गीत भने उपलब्ध हुने दाबी गरेका छन् ।
