मृत्युदण्ड दिइएका ८१ जना मध्ये केही तथाकथित इस्लामिक चरमपन्थी समूह इस्लामिक स्टेट, अल–कायदा र यमनको हुथी विद्रोही समूहसँग जोडिएको आरोप लगाइएको थियो ।
उनीहरुले महत्वपूर्ण स्थानमा आक्रमणको षडयन्त्र गरेको र देशमा हतियार ओसारपसार गरेको सरकारले दाबी गरेको छ ।
यी अभियुक्तहरूमध्ये धेरैलाई कानुनी रूपमा बहस गर्ने उचित मौका पनि नदिइएको मानवअधिकार संगठनहरूले जनाउका छन् । तर, साउदी सरकारले यी आरोप अस्वीकार गर्दै आएको छ ।
मृत्युदण्डको सजाय पाएका दोषीहरूको मुद्दा १३ न्यायाधीशहरूले लिएका थिए । उनीहरु तीन चरणको न्यायिक प्रक्रियाबाट गुज्रिएका थिए ।