ताइवानले यसअघि लकहिड मार्टिन कर्पोरेशन(एलएमटी.एन) इकाई सिकोर्स्कीद्वारा निर्मित १२ एमएच ६० आर एन्टि-पनडुब्बी हेलिकप्टर किन्ने योजना बनाएको बताएको थियो । तर, अमेरिकाले टापु मुलकका लागि यीनको आवश्यकता नभएको भन्दै योजना अस्वीकार गरेको थियो ।
ताइवानले नयाँ अमेरिकी हतियारको खरिदमा हालैका परिवर्तनहरूको बारेमा संसद्मा सोध्दा रक्षामन्त्री चिउ कुओ चेङले हेलिकप्टरको विषयसमेत राखेका हुन् । 'मूल्य हाम्रो देशको क्षमताको दायरा बाहिर छ, धेरै उच्च छ,' उनले भनेका छन् ।
दुई अन्य हतियार एम१०९ ए६ मध्यम सेल्फ-प्रोपेल्ड होविट्जर आर्टिलरी प्रणाली, र मोबाइल स्टिङ्गर एन्टि-एयरक्राफ्ट मिसाइलको खरिदमा पनि ढिलाइ भएको छ ।
अमेरिकी अधिकारीहरूले ताइवानलाई आफ्नो सेनाको आधुनिकीकरण गर्न दबाब दिइरहेका छन् ताकि यसले चिनियाँ आक्रमणविरुद्ध लड्न सकोस् ।
