एन्टोनोभ विमानस्थल युक्रेनको सबैभन्दा महत्वपूर्ण अन्तर्राष्ट्रिय कार्गो एयरपोर्ट मानिन्छ साथै, यो एक प्रमुख सैन्य एयरपोर्ट समेत हो ।
सामाजिक सञ्जालमा आएका भिडियोमा एयरपोर्टको माथिबाट धुवाँको मुस्लो उठिरहेको देखिएको छ । तर भिडियोको आधिकारिकता प्रभाणित नभएको अधिकारीहरुले जनाएका छन् ।
रुसी सैनिकहरुले युक्रेनको राजधानी किभमा विहानैदेखि आक्रमण जारी राखेका छन् । किभको एउटा अपार्टमेन्ट भवनमा आक्रमण हुँदा एक जनाको मृत्यु भएको मिडिया रिपोर्टमा उल्लेख छ । उक्त आवासीय भवनमा गरिएको आक्रमणमा परि अन्य ३ जना घाइते भएको युक्रेनको प्रदेशिक टीभी रिपोर्टमा उल्लेख गरिएको छ ।