नेपाल क्रिकेट संघ (क्यान)को आर्थिक नियन्त्रण पूर्ण रूपमा हटाएसँगै क्यानमाथिको सम्पूर्ण निलम्बन फुकुवा भएको छ । शनिबार आईसीसीका प्रतिनिधि इमरान ख्वाजाले नेपालमाथि लगाइएको आंशिक आर्थिक नियन्त्रण फुकुवा भएको औपचारिक जानकारी गराएका हुन् ।नेपालले सबै प्रावधान चरणबद्ध रूपमा पूरा गरेको भन्दै उनले आंशिक आर्थिक नियन्त्रण फुकुवा भएको बताए । भौतिक पूर्वाधारका लागि नेपाल सरकारले चासो देखाउनु सकारात्मक भएको उनले उल्लेख गरे ।
शनिबारै युवा तथा खेलकुदमन्त्री महेश्वरजंग गहतराजसँग आईसीसीका प्रतिनिधिको भेटवार्ता भएको थियो ।
