‘घरघर जाऔँ, कांग्रेस जिताऔँ’ स्थानीय तहको निर्वाचनलक्षित अभियान आगामी चैत २९ गतेसम्म चल्नेछ ।
कांग्रेसका प्रवक्ता प्रकाशशरण महतका अनुसार अभियानका लागि ७७ वटै जिल्लामा केन्द्रीय सदस्य खटाइएको छ । अभियानको उद्घाटनका लागि पार्टीले खटाएका केन्द्रीय प्रतिनिधि सबैजसो जिल्लामा पुगिसकेका छन् ।
अभियानका क्रममा कांग्रेसले एमसीसीबारे आम नागरिकको चासोलाई स्पष्ट गर्ने बताएको छ । साथै संविधानको रक्षाका लागि कांग्रेसले भूमिका निर्वाह गरेकोबारे जानकारी गराउनेछ ।
‘हरेक काँधलाई भारी, हरेक हातलाई जिम्मेवारी’ भन्दै कांग्रेस केन्द्रीय सदस्यहरुलाई जिल्ला जिल्लामा खटाएको छ । एक महिने अभियान सकिएपछि मात्रै कांग्रेस चुनावी गठबन्धनबारे निर्णय गर्ने बताएको छ ।
