काठमाडौँ। नेकपा एमालेको चर्को अवरोधपछि बागमती प्रदेश सभा बैठक भोलि ११ बजेसम्म अवरुद्ध भएको छ । नेकपा एमाले बागमती प्रदेश संसदीय दलका मुख्य सचेतक दिपक निरौलाले दलको तर्फबाट आफ्नो धारणा राख्दै आफ्ना माग सम्बोधन नभए सम्म बैठक चल्न नदिने बताए । त्यस कारण सभामुखले भोलिसम्मका लागि बैठक स्थगित गरेका हुन् ।
प्रदेश सरकारले आगामी आर्थिक वर्षका लागि ल्याएको बजेट विभेदकारी रहेको र न्यायोचित रुपमा जिल्लाहरूलाई नसमेटिएको भन्दै एमालेले प्रदेशसभा बैठक स्थगित गरेको हो ।
