मंगलबार बसेको प्रतिनिधिसभा बैठकमा एमाले सांसद लालबहादुर थापाले बुढीगंगा नगरपालीकामा कानुन विपरित निर्वाचन प्रक्रियालाई प्रभावित पारिएको भन्दै गृहमन्त्री खाँण र आयुक्त थपलियाको राजीनामा माग गरेका हुन् ।
बुढीगंगा नगरपालीकामा बैशाख ३० गने भएको स्थानिय तहको निर्वाचनमा विवाद भए पछि निर्वाचन आयोगले पुनः मतदान गर्ने निर्णय गरेको छ । सोही विषयमा बोल्दै सांसद थापाले पुनः मतदान गर्ने निर्णय गरेर निर्वाचन आयोगले जनताको अभिमतमाथि अन्याय गरेको भन्दै पुनः निर्वाचन नगरेर मत गणना गर्नु पर्ने माग राखेका छन् ।
निर्वाचनको समयमा त्यहाँ खटिएका सुरक्षा निकायका प्रमुख, गृहसचिव र प्रमुख जिल्ला अधिकारीलाई कडा भन्दा कडा कारबाहीको माग गर्दै थापाले संसदमा सभामुखमार्फता गृहमन्त्री खाँण र प्रमुख निर्वाचन आयुक्त थपलियाको राजीनामा माग गरेका हुन् । यता निर्वाचन आयोगले बुढीगंगामा जेठ महिना भित्र नै त्यहाँको निर्वाचन प्रक्रिया अगाडि बढाउने तयारी गरिरहेको बताएको छ ।
