गाउँलेलाई सिर्जनातर्फको इच्छुक प्रतिभा पुरस्कार र पुनलाई कलातर्फको इच्छुक प्रतिभा पुरस्कार प्रदान गरिएको हो । पुरस्कृत श्रष्टाहरुलाई सेनको २१ औं स्मृति दिवसका अवसरमा शुक्रबार काठमाडौंको घट्टेकुलोस्थित इच्छुक राष्ट्रिय प्रतिष्ठानको भवनमा आयोजित कार्यक्रममा सम्मान गरिएको हो । सेनको जीवन संगिनीको उपस्थितिमा नेकपा क्रान्तिकारी माओवादीका महासचिव मोहन वैद्यले पुरस्कार प्रदान गरेका थिए ।
इच्छुक प्रतिष्ठानले रु एक लाख राशीको इच्छुक स्मृति पुरस्कार र कला एवम् साहित्य क्षेत्रका श्रष्टाहरुलाई २५÷२५ हजार राशीका दुई वटा इच्छुक प्रतिभा पुरस्कार स्थापना गरेको प्रतिष्ठानका अध्यक्ष हिरामणी दुखीले जानकारी दिए ।
प्रतिष्ठानले २०६६ सालदेखि हरेक वर्ष प्रदान गरिने यो पुरस्कार यसअघि ३१ जनालाई प्रदान गरिसकेको छ ।
इच्छुकको २१ औं स्मृति दिवसकै सन्दर्भमा सत्तारुढ नेकपा (माओवादी केन्द्र)ले पनि काठमाडौंमा विभिन्न कार्यक्रम आयोजना गरेको थियो ।
