क्रान्तिकारी माओवादीका नेता श्रीनाथ अधिकारी ‘श्याम’को तेस्रो स्मृति दिवस कार्यक्रम तथा श्याम स्मृतिग्रन्थको विमोचन कार्यक्रममा बोल्दै वैद्यले पुराना प्रतिक्रियावादी हुँदा हुँदै नयाँ प्रतिक्रियावादीहरुसँग पनि लड्नु परेको बताए । वैद्यले माओवादी केन्द्रका नेताहरुलाई नयाँ प्रतिक्रियावादीहरु भनी संकेत गरेका थिए ।
नेपालमा क्रान्ति सम्पन्न नभएको दाबी गर्दै वैद्यले प्रतिक्रियावादी शक्तिहरुकाविरुद्ध निरन्तर लड्दै आएकाहरुले नै प्रतिक्रियावादीहरुर्ला अंगालो हालेको भन्दै तत्कालिन माओवादी नेतृत्वको आलोचना गरे ।
क्रान्तिकारी माओवादी महासचिव वैद्यले आफूहरु अहिले कमजोर अवस्थामा रहेको स्वीकार गर्दै आफ्नो शक्ति बलियो नबनाउँदासम्म लड्न नसकिने बताए ।
