मंगलबारको बैठकमा अध्यक्ष पुष्पकमल दाहाल’ प्रचण्ड’ ले प्रतिवेदनमा उठेका प्रश्नहरुमाथि जवाफ दिने कार्यक्रम रहेको थियो ।
सोमबारको बैठकमा केन्द्रीय समितिको पदाधिकारी र स्थायी कमिटी गठन गर्नुपर्ने माग पनि उठेको छ ।
केन्द्रीय समितिको बैठकमा प्रचण्डले प्रस्तुत गरेको प्रतिवेदनमाथि नेताहरूले आफ्नो धारणा राख्दै पदाधिकारी र स्थायी कमिटी गठन गर्न माग गरेका छन् ।
बैठकमा केन्द्रीय सदस्य थपिएकोबारेमा नेताहरुले आलोचना र घोचपेच गरेका छन् । नेताहरुले धारणा राख्ने क्रममा पार्टीले दश ठाउँ चहारेर आएकाहरुलाई केन्द्रीय सदस्य बनाइएकोदेखि पार्टी भ्रष्टहरुको अखडा भएकोसम्म गुनासो गरेका छन् ।
आइतबारबाट सुरु भएको बैठकको दोस्रो दिन सोमबार ४६ जना नेताहरूले धारणा राखेका थिए ।