नेकपा माओवादी केन्द्रका अध्यक्ष पुष्पकमल दाहाल प्रचण्ड तथा नेता नारायणकाजी श्रेष्ठ, नेकपा (एकीकृत समाजवादी) का अध्यक्ष माधवकुमार नेपाल तथा सम्मानित नेता झलनाथ खनाल र नेता वामदेव गौतमबीच भेटवार्ता भएको हो ।
भेटवार्ताका क्रममा वर्तमान राष्ट्रिय राजनीति, राष्ट्रिय स्वाधीनताको स्थिति, स्थानीय निर्वाचन, वाम तथा समाजवादी आन्दोलन, नेपाली कांग्रेससँगको गठबन्धन आदि विषयमा छलफल भएको अध्यक्ष प्रचण्डको स्वकीय सचिव रमेश मल्लले जानकारी दिए । उनका अनुसार भेटमा नेतृत्व तहको यस्तो छलफललाई निरन्तरता दिने समझदारी पनि बनेको छ ।