केही समयअघिदेखि नै राष्ट्रको आवश्यकताअनुसार राजनीतिमा आउने बताएका अभिनेता हमालले शुक्रबार विहान नेकपा –माओवादी केन्द्रं)का अध्यक्ष पुष्पकमल दाहाल ‘प्रचण्ड’सँग भेट गरेका छन् ।
माओवादी सम्बद्ध संगीतकार चेतन सापकोटाले महाललाई प्रचण्डसँग भेट गराइदिएका हुन् । हमाल–प्रचण्डबीच झण्डै आधा घण्टाको द्विपक्षीय कुराकानीपछि गंगा दाहाल र सापकोटालाई सँगै राखेर प्रचण्डले अभिनेता हमालसँग तस्विर खिचाए ।
खुमलटारस्थित प्रचण्ड निवासमा शुक्रबार बिहान भएको भेटवार्तामा देशको समसामयिक राजनीति विषयमा छलफल भएको थियो । अभिनेता हमालले राजनीतिमा आउने चासो देखाए पनि कुन पार्टीबाट राजनीति गर्छन् भन्ने चाँही खुलाएका छैनन् ।
शुक्रबार प्रचण्डसँग भेट गरेका हमालले विभिन्न राजनीतिक दलका नेताहरुसँगको भेटघाटलाई अघि बढाउने भएका छन् ।