Media Network

रुकुम पश्चिममा कांग्रेस र माओवादी कार्यकर्ताबीच झडप, पाँच जना घाइते


खबरस्टोरी संवाददाता

२९ बैशाख २०७९,बिहीबार

काठमाडौं । रुकुम पश्चिममा नेपाली कांग्रेस र नेकपा (माओवादी केन्द्र)का कार्यकर्ताबीच झडप भएको छ । मतदातालाई आफूतिर तान्न पैसा बाँडेको विषयमा विवाद हुँदा झडप भएको जिल्ला प्रहरी कार्यालय रुकुम पश्चिमका डीएसपी विष्णु सोतीले जानकारी दिए ।

कांग्रेसको तर्फबाट चौरजहारी नगरपालिका–१० को वडाध्यक्षका उमेदवार गणेशमान डाँगी र माओवादीको तर्फबाट सोही पदका उमेदवार वीरेन्द्र रोकायाका समर्थकबीच झडप भएको हो ।

चौरजहारी नगरपालिका–१०, खोलागाउँमा माओवादी उमेदवार मतदातालाई पैसा बाँडिरहेको अवस्थामा भेटिएपछि दुई समूहबीच झडप भएको बताइएको छ ।

झडपमा कांग्रेसका डिल्ली केसी, लालवीर वली, डायमन केसी र माओवादीका तुलसीराम बुढा र जुद्धबहादुर घर्ती घाइते भएका प्रहरीले जनाए

Share:
Reaction :
ताजा समाचार
खेलकुद