काठमाडौँ । राष्ट्रिय प्रजातन्त्र पार्टी (राप्रपा)को महाधिवेशनमा अध्यक्ष पदकालागी उम्मेदवारी दर्ता शुल्क १ लाख रुपैयाँ तोकिएको छ ।
त्यस्तै, उपाध्यक्षमा उम्मेदवारी दिन ७५ हजार, महामन्त्रीका लागि ५० हजार र केन्द्रीय सदस्यका लागि १५ हजार रुपैयाँ शुल्क तोकिएको निर्वाचन समितिका संयोजक निरञ्जन थापाले जानकारी दिएका छन् ।
शुक्रबारदेखि मात्र निर्वाचन कार्यक्रम सुरु हुनेछ भने बिहीबारसम्म मतदाता नामावली प्रकाशन गर्ने र शुक्रबार निर्वाचन कार्यक्रम सुरु गर्ने समितिको तयारी रहेको निर्वाचन समितिका संयोजक थापाले जनाए ।
बुधबार सुरु भएको राप्रपा महाधिवेशनमा अध्यक्ष, १ महिलासहित ४ जना उपाध्यक्ष, १ महिलासहित ३ जना महामन्त्री र १४१ जना केन्द्रीय सदस्य निर्वाचनबाट चयन हुँदैछन् ।
