प्रतिनिधिसभाको विहीबारको बैठकमा प्रधानमन्त्री शेरबहादुर देउवाको अनुपस्थितिमा बोल्दै गृहमन्त्री खाँणले एसपीपीमा नेपाल आवद्ध हुने कुनै निर्णय नेपाल सरकारले नगरेको पनि दाबी गरे ।
नेपालको भूमि कुनै अन्तर्राष्ट्रिय शक्तिको केन्द्र बन्न नहुनेमा सरकार स्पष्ट रहेको मन्त्री खाँणले बताए ।
एमालेको बहिष्कारका बाबजुद छलफलमा भाग लिएका एमाले सांसद डा.भीम रावलले २०१५ मा प्रधानमन्त्री सुशील कोइराला र २०१७ मा प्रधानमन्त्री शेरबहादुर देउवाले एसपीपीकाबारेमा पत्र लेख्न लगाएको जानकारी छ कि छैन ? भनी प्रश्न गरेका थिए ।
यस्तै, नेपाल मजदुर किसान पार्टीका सांसद प्रेम सुवालले नेपाल एपीपीको साझेदार भएको भनी अमेरिकी रक्षा मन्त्रालयको वेवसाइटमा नै उल्लेख भएको भन्दै सरकारको ध्यानाकर्षण गराएका थिए ।
