बैठकमा ओलीले भने, ‘एमालेलाई कसैको बैसाखी टेक्नुपर्छ, ढोडको लौरो टेक्नुपर्छ भन्ने होइन । हामी एक्लै लड्न सक्छौ, ६० देखि ७० प्रतिशत सिट एक्लै जित्न सक्छौँ ।'
त्यस्तै ओलीले बुद्धिजीवीहरूले ‘कम्युनिस्ट पार्टी मिल्ने कि सकिने ?’ भन्दै आर्टिकल लेखेको उल्लेख गर्दै आक्रोश पोखे । उनले जनतालाई झुक्याउन त्यस्ता कुरा गरेको भन्दै जिस्क्याउने खालका कुरा नगर्न आग्रह गरे । नाम मात्रै राख्दैमा सबै कम्युनिस्ट नहुने उल्लेख गर्दै उनले कम्युनिस्ट पार्टीको दुईतिहाइको सरकार ढाल्नेहरू कम्युनिस्ट हुन नसक्ने समेत बताए ।
