उपसभामुखका लागि सत्ता गठबन्धनबाट नेपाली कांग्रेसकी पुष्पा भुसाल गौतम र नेकपा एमालेबाट विद्या भट्टराई उम्मेदवार छन् ।
विभिन्न समयमा आफूहरुले प्रशस्त छलफलमा समेत भाग लिन नपाएको भन्दै नेकपा उपसभामुख चुनावमा तटस्थ रहेको हो ।
नेमकिपाका सांसद प्रेम सुवालले उपसभामुखका लागि दुवै उम्मेदवार योग्य भए पनि आफूहरुले मत दिन नसक्ने स्पष्ट गरे ।
प्रतिनिधिसभामा एमालेका ९८, कांग्रेसका ६१ (दुई निलम्बित), माओवादी केन्द्रका ४९, नेकपा (एकीकृत समाजवादी) पार्टीका २३, जनता समाजवादी पार्टी (जसपा) का २०, लोकतान्त्रिक समाजवादी पार्टी (लोसपा) का १३, राष्ट्रिय जनमोर्चाका १ र अन्य साना दल तथा स्वतन्त्र गरी ३ सांसद छन् ।
