केन्द्रीय सदस्य गुणराज लोहनीका अनुसार विप्लवलाई पार्टीबाटै निष्कासन गरिएको र खड्गबहादुर विश्वकर्मा प्रकाण्डलाई प्रवक्ताको जिम्मेवारीबाट हटाएको हो । भेलाले धर्मेन्द्र बास्तोलालाई संयोजक तोकेको लोहनीले जानकारी दिए । बैठकमा पार्टीको संयोजकको जिम्मेवारी पाएका नेता धर्मेन्द्र बास्तोला ‘कञ्चन’ले आजै राजनीतिक प्रतिवेदन पेश गर्ने कार्यक्रम रहेको छ ।
स्थायिन तहको निर्वाृचन उपयोग गर्ने या नगर्ने भन्ने विषयमा उक्त पार्टीमा विवाद भएको थियो । महासचिव विप्लवले पार्टीलाई जानकारी नगाएर नै धर्मेन्द्रले उम्मेदवारहरुलाई फिर्ता बोलाएको भन्दै सचिवालय सदस्य धर्मेन्द्र बास्तोला र सुदर्शनलाई जीम्मेवारी मुक्त गरेको विज्ञप्ति जारी गरेका थिए ।
त्यस्तै चितवनमा जारी भेलाले पार्टीको दस्तावेजमाथि छलफल गरिरहेको र नयाँ पार्टी गठन गर्ने तयारी गरिरहेको जानकारी गराइएको छ ।
