काठमाडौं । गैरआवासीय नेपाली संघ (एनआरएनए) को अध्यक्षमा डा. बद्री केसी र कुल आचार्यले उम्मेदवारी दिने घोषणा गरेका छन् ।
डा. केसीले मंगलबार काठमाडौंमा कार्यक्रम गरी आफ्नो प्रतिवद्धतासहित अध्यक्षको उम्मेदवारी घोषणा गरेका छन् ।
आचार्यले भने १० दिनअघि नै एनआरएनए अध्यक्षमा उम्मेदवारी दिने घोषणा गरेका थिए ।
डा. केसी र आचार्य दुवै एनआरएनको वर्तमान कार्यसमितिका उपाध्यक्ष हुन् । एनआरएनए कार्य समितिमा रहेर लामो समय काम गरेको दुबैलाई अनुभव छ ।
एनआरएनएको वर्तमान कार्यसमितिको उपाध्यक्ष रहेका डा. केसी र आचार्य दुवैले संस्थालाई अझ उचाइमा पुर्याउन आफूले सशक्त ढंगले लाग्ने प्रतिवद्धता जनाएका छन् ।
आगामी कार्यकालका लागि अध्यक्षमा उम्मेदवारी दिने घोषणा गरेका दुवैले आ–आफ्नो प्रतिवद्धतापत्र पनि सार्वजनिक गरेका छन् ।
संस्थामा रहेर विगतमा आफूले गरेको कार्य विवरण तथा आगामी दिनेमा गर्ने भावी योजना पनि दुवैको झण्डै झण्डै उस्तै छ ।
