यसैबीच आईफोन १४ को पर्फर्मेन्स स्पिडलाई लिएर नयाँ जानकारी बाहिरिएको छ । प्राप्त जानकारी अनुसार एप्पलको नयाँ ए१६ चिप अब प्रो मोडेलहरूमा मात्र नभई अरु मोडेलमा पनि उपलब्ध गराइनेछ ।
२०२१ मा सार्वजनिक गरिएको ए१५ को तुलनामा ए१६ चिपसेटको पर्फर्मेन्स निकै नै छिटो हुने जानकारी छ ।
ए१५ को तुलनामा ए१६ को सीपीयू ४२ प्रतिशत छिटो हुनेछ भने जीपीयू ३५ प्रतिशतले छिटो काम गर्ने दाबी छ । यसले गर्दा यो चिपसेट भएको फोनले कति फास्ट काम गर्नेछ भन्ने सहजै अनुमान गर्न सकिन्छ ।
त्यसैगरी ब्याट्रीको क्षमता पनि बढ्ने बताइएको छ । बाहिरिएको खबर अनुसार आईफोन १४ प्रो को मोडेलहरूको फोन १६ मिनेटमा नै ५० प्रतिशत चार्ज हुने बताइएको छ भने ब्याट्री टिक्ने क्षमता पनि दुई घण्टा बढिले वृद्धि गरिएको जानकारी छ ।
