मौसम पूर्वानुमान महाशाखाका अनुसार मंगलबार देशको पहाडी भू–भागमा आंशिकदेखि सामान्य बदली हुनुका साथै केही ठाउँमा आंशिक वर्षा हुनेछ । प्रदेश १ लगायत देशको पहाडी भू–भागका केही ठाउँमा मेघ गर्जनसहित क्षणिक वर्षाको सम्भावना रहेको छ ।
त्यस्तै, बुधबार पनि देशको पहाडी भू–भागमा आंशिकदेखि सामान्य बदली रही बाँकी भू–भागमा मौसम सामान्यतया सफा रहने मौसम पूर्वानुमान महाशाखाले जनाएको छ ।
यसैबीच, देशका तराई तथा चुरे क्षेत्रमा तापक्रम बढ्दै गएको छ । गर्मी बढ्दै गएर नेपालगञ्ज लगायतका ठाउँमा तातो हावा चल्न थालेको छ ।