सोमबार साँझ स्थानिय जनप्रतिनिधि र काठमाडौँ महानगरपालीका बीच फोहोर फाल्ने सहमति भएपछि फोहोर लिएर गएका गाडीहरुलाई स्थानिय वासिन्दाले ठाउँ ठाउँमा अवरोध गरेका थिए ।
स्थानियको अवरोध पश्चात् प्रहरीले केही स्थानिय वासीहरुलाई नियन्त्रणमा लिइएको र धुनिबेंसीको कुरुले क्षेत्र र नुवाकोटको बन्चरेडाँडा क्षेत्र तनावग्रस्त रहेको थियो । केही स्थानीयवासीहरुले सोमबार सााँझ भएको सम्झौता नमान्ने भनेर अवरोध गरेपछि प्रहरी परिचालन गरिएको बताइएको छ ।
काठमाण्डौं महानगरपालीकामा मेयर बालेन्द्र साह र उपमेयर सुनिता डंगोलले यस अघि बल प्रयोग नगर्ने बताएका थिए । तर सोमबार भएको सहमति अनुसार स्थानिय वासिन्दाले फोहोर फाल्न सहमति नदिए पछि उनीहरु पनि प्रहरी परिचालन गर्ने विषयमा सहमति भएको बताइएको छ ।
हाल प्रहरीले बल प्रयोग गरेर केही स्थानियहरुलाई नियन्त्रणमा लिएपछि अवरोध हटाएर बन्चरेडाँडामा फोहोर फाल्ने तयारी गरेको छ ।