यसरी कसुर ठहर अथवा आरोप लागेर मुद्दा विचाराधिन रहेका जनप्रतिनिधिहरुमा कैलाली जिल्ला, मोहन्याल गाउँपालिका, वडा नं २ मा निर्वाचित देवीदत्त उपाध्याय, वडा नम्बर ३ मा वडाध्यक्ष नन्दराम गिरी, नुवाकोटको बिदुर नगरपालिका, वडा नम्बर ९ का हरिराम भण्डारी र अछामको पंचदेवल विनायक नगरपालिका–७ का वडाध्यक्ष सुरतबहादुर रावल रहेका छन्।
उपाध्यायले सार्वजनिक सम्पत्ति हानि नोक्सानी गरी भ्रष्टाचार गरेकोमा आरोपमा भ्रष्टाचार निवारण ऐन, २०५९ को दफा ७ को खण्ड (क) र दफा १७ को कसुरमा २०७९ वैशाख २ गते विशेष अदालतमा आरोपपत्र दायर भएको थियो।
त्यसैगरी नन्दराम गिरीले सार्वजनिक सम्पत्तिको हानि नोक्सानी गरी भ्रष्टाचार निवारण ऐन, २०५९ को दफा ७ को खण्ड (क) र दफा १७ को कसुरमा २०७९ वैशाख २ गते विशेष अदालतमा आरोपपत्र दायर भएको थियो। त्यस्तै हरिराम बिदुर–९ मा रहेको सुलक्षण माध्यमिक विद्यालयका प्रध्यानाध्यापक हुँदा विद्यालयको रकम हिनामिना गरी भ्रष्टाचार गरेको कसुरमा विशेष अदालतमा मुद्दा दायर भएको थियो।
अछामका रावलले पंचदेवल विनायक– ७ को कालीदेवी माध्यमिक विद्यालयको प्राथमिक तहका शिक्षक रहँदा नक्कली शैक्षिक योग्यताको प्रमाणपत्र पेस गरी सेवामा बहाल रहेको भन्दै २०७६ वैशाख ५ मा मागदाबी लिई विशेष अदालतमा आरोपपत्र दायर गरिएको थियो।
