काठमाडौंका एसपी दिनेशराज मैनालीका अनुसार विश्वले ललितपुरकी २४ वर्षीया युवतीलाई बलात्कार गरेका हुन् । तामाङ र युवतीबीच सामाजिक सञ्जाल इमोमार्फत् चिनजान भएको थियो ।
तामाङसंग जेठ २९ गते विवाह गर्न घरबाट भागेकी युवतीलाई भने,तामाङले आफ्नो घर लगेनन् । सोझै भोटेबहालको एउटा गेष्ट हाउस पुर्याए ।
तामाङले युवतीलाई गेष्ट हाउस पुर्याएकै दिन पेय पदार्थमा लठ्ठयाउने औषधी मिसाएर खुवाइदिए । त्यसपछि करणी गरे र युवतीको साथमा रहेको एक लाख रुपैयाँ,दुई तोला सुनको गहना र एउटा मोबाइल लुटेर भागेका थिए ।
पक्राउ परेका तामाङमाथि जबरजस्ती करणी र चोरीसम्बन्धी कसुरमा अनुसन्धानका लागि जिल्ला अदालत, काठमाडौंबाट सात दिनको म्याद थप गरिएको छ ।
