भक्तपुरबाट काठमाडौंतर्फ आउँदै गरेको बा ९८ प ४२७० नम्बरको मोटरसाइकल गएराति १२ बजे अनियन्त्रित भइ पल्टिएको प्रहरी वृत्त ठिमी भक्तपुरले जनाएको छ ।
मृत्यु हुनेमा मोटरसाइकल चालक ललितपुरको धापाखेलका २१ वर्षीय विजय श्रीमाली रहेका छन्। गम्भीर घाइते भएका उनको उपचारका क्रममा कौशलटारस्थित भक्तपुर इन्टरनेशनल अस्पतालमा मृत्यु भएको हो ।
घाइते भएका मोटरसाइकलमा पछाडि सवार ललितपुरकै हात्तीबनका २२ वर्षीय रक्षक क्षेत्रीको सोही अस्पतालमा उपचार भइरहेको छ ।
