प्रहरीका अनुसार बिहीबार बिहान सवा २ बजे सूर्यविनायकबाट जगातीतर्फ जाँदै गरेको बा ८९ प ७८७६ मोटरसाइकल र विपरीत दिशातर्फबाट आउँदै गरेको बा ४ ख ५२९८ नम्बरको टिपर एकापसमा ठक्कर खाएर दुर्घटना हुँदा मोटरसाइकलमा सवार दुई जनाको निधन भएको छ ।
मृत्यु हुनेमा भक्तपुर नगरपालिका-२ व्यासीका १९ वर्षीय निश्चल चौगुठी र सोही मोटरसाइकलमा सवार नामथर वतन नखुलेका २०/२१ वर्षका पुरुषको मृत्यु भएको भक्तपुर प्रहरी प्रवक्ता डीएसपी राजु पाण्डेले जनाए ।
दुर्घटनाबाट सख्त घाइते दुवैको उपचारको क्रममा भक्तपुर अस्पतालमा मृत्यु भएको हो । टिपर चालक दोलखा मेलुङ गाउँपालिका-३ घर भई काठमाडौं सुकेधारा बस्ने ३५ वर्षीय धनबहादुर थोकरलाई प्रहरीले नियन्त्रणमा लिई आवश्यक अनुसन्धान सुरू गरेको जनाएको छ ।
