गृह मन्त्रालयको बढुवा सिफारिस समितिले चैत १ गते डीआईजीहरु पन्त, धानुक र सिंहलाई एआईजीमा बढुवा गर्न सिफारिस गरेको थियो । लोकसेवा आयोगले तीन जना डीआईजीलाई एआईजी बढुवा सिफारिस सदर गरेपछि अब मन्त्रिपरिषद्ले निर्णय गर्नेछ ।
तर, उक्त सिफारिसविरुद्ध लोकसेवा आयोगमा उजुरी परेको थियो । सो बढुवा सिफारिसमा असन्तुष्टी जनाउँदै प्रतिस्पर्धी डीआईजीहरु घनश्याम अर्याल, ईश्वरबावु कार्की र प्रकाशजंग कार्कीले लोकसेवा आयोगमा उजुरी दिएका थिए ।
लोकसेवाका अध्यक्ष माधव रेग्मी, मुख्य सचिव शंकर बैरागी र कानुन मन्त्रालयका सचिव उदयराज सापकोटा सम्मिलित उजुरी सुन्ने सचिवालयले बढुवा समितिको निर्णयमा उजुरकर्ताको दावी बमोजिम ‘त्रुटी नदेखिएको’ निष्कर्ष निकाल्दै सफाइ दिएको छ ।
