पीडित किशारीले टिकटक मार्फत बनाएको भिडियोबारे अनुसन्धान गरी आवश्यक कारबाही गर्न गृहमन्त्री बालकृष्ण खाँणको निर्देशनमा प्रहरी प्रधान कार्यालयले पाँच सदस्यीय समिति गठन गरेको छ । प्रहरी वरिष्ठ उपरीक्षक बसन्त कुँवरको नेतृत्वको समितिमा प्रहरी उपरीक्षक कृष्ण कोइराला, प्रहरी नायब उपरीक्षक कोपिला चुडाल, प्रहरी नायब उपरीक्षक हरि बस्नेत र प्रहरी निरीक्षक सपना खड्का रहेका छन् ।
भिडियो सार्वजनिक भएपछि प्रहरी निरन्तर रुपमा पिडितको फलोअपमा छ भने घटनामा मुछिएको व्यक्तिलाई सम्पर्कमा ल्याउने प्रयासमा जुटेको छ । घटना ८ वर्ष पुरानो भएकाले कानुनी रुपमा हदम्यादका कारण अन्यौलताको सिर्जना भएको छ ।
यता पीडितले न्याय पाउनुपर्ने भन्दै आज देशभर नै विरोध प्रदर्शन र किशोरीको पक्षमा व्यापक सहानुभुति सहित महिला अधिकारकर्मी, बिद्यार्थी लगायत विभिन्न संघसंस्थाहरु सडकमा उत्रिएका छन् ।
