सबैला नगरपालिका वडा नम्बर १२ स्थित बरकुर्वामा ज ६ प ६७३९ नम्बरको मोटरसाइकल सोमवार बेलुका दुर्घटना हुँदा चार बालकको मृत्यु भएको इलाका प्रहरी कार्यालय सबैलाले जनाएको छ ।
घाइतेलाई उद्धार गरी उपचारका लागि प्रादेशिक अस्पताल जनकपुरधाम पु¥याएको थियो । अस्पतालले चार जनालाई मृत घोषणा गरेको थियो ।
प्रहरी नायव उपरीक्षक जीतेन्द्रकुमार बस्नेतकाअनुसार मृत्यु हुनेमा सबैला नगरपालिका २ बस्ने १५ बर्षीय राहुल यादव, १२ बर्षका लक्ष्मी यादव, बौका भनिने विकास यादव र १४ बर्षका सुमित यादव रहेका छन् ।
दुर्घटनामा घाइते १९ बर्षीय सुरेन्द्र यादवको प्रादेशिक अस्पतालमै उपचार भइरहेको छ ।
