उनको श्रीमान् सन्जु गिरीले आफूहरुले सञ्चालन गर्दै गरेको होटलमा राति करिब १ बजे झुन्डिएको अवस्थामा फेला परेको र उद्धार गरी अस्पतालमा लगेको दाबी गरेका छन् । सन्जुले राति २ बजे क्रिमसन अस्पताल मणिग्राममा ल्याउँदा चिकित्सकहरुले उनलाई मृत घोषणा गरेका थिए ।
सुविना झुन्डिएको र मृत्यु भएकोबारे वरपर छिमेकीले समेत थाहा नपाएको बताएका छन् । आफन्तले आफैंले कुटपिट गरेर झुन्डाएको बहाना गरेको आरोप लगाएका छन् । मृतककी फुपु क्षमा गिरीले शरीरभरि नीलडाम भएकाले श्रीमान्ले मरेर झन्डाएको दाबी गरेकी छन् । आफन्तले घटनाको सत्यतथ्य माग गर्दै दोषीमाथि कारबाहीको माग गरेका छन् ।
क्रिमसनमा राखेको शव अहिले लुम्बिनी प्रादेशिक अस्पतालमा ल्याएका छन् । अनुसन्धानपछि मृत्युको कारण खुल्ने घटना अनुसन्धान गरिरहेको प्रहरी निरीक्षक सन्तोष घिमिरेले बताए ।
