धुनिबेशी नगरपालिका–६ धार्केस्थित पूर्व–पश्चिम राजमार्ग हुँदै काठमाडौं ल्याइरहेको मल बोकेको दुई ट्रक स्थानीयले रोकेर मल कब्जा गरेका हुन् ।
व्यापारीहरूले तराईबाट लिएर आएको मल राजश्वको टोलीले अनुसन्धान गर्नेक्रममा अवैध ठहरेपछि प्रहरीले नियन्त्रणमा लिएर काठमाडौंतर्फ ल्याउँदै थियो ।
टोलीले नियन्त्रणमा लिएर काठमाडौंतर्फ लग्दै गरेको धार्केका स्थानीयले सूचना पाएपछि स्थानीय सबै मिलेर सशस्त्र प्रहरीकै नियन्त्रणमा रहेको गाडीबाट मल कब्जा गरेका हुन् । अहिले किसानलाई मलको हाहाकार छ । यो मल हाम्रै खेतमा लगेर हाल्न पाइन्छ भन्ने उद्देश्यले जनताले नै नियन्त्रणमा लिएका हुन् ।
स्थानीयहरू आफैंले नै ट्रकमा चढेर बोकेर लगेका थिए । स्थानीयले कब्जा गरेपछि सो ट्रकसँगै आएका दुई जना सशस्त्र प्रहरीले प्रतिवाद गर्न नसकी निरिह बनेका थिए ।
