काठमाडौं । कास्कीको रुपा गाउँपालिका–१ स्थायी निवासी सीता परियार दलित समुदायबाट नेपालकै पहिलो महिला सिडियो बनेकी छन् ।
उनलाई गृह मन्त्रालयले हुम्लाको प्रमुख जिल्ला अधिकारी (सीडीओ)मा बनाएर खटाएको हो ।
यसअघि भक्तपुर जिल्ला प्रशासनमा सहायक प्रमुख जिल्ला अधिकारीको रुपमा रहेकी उनलाई मन्त्रालयले हुम्लाको सीडीओ बनाएर पठाएको हो ।
दलित समुदायका पुरुषहरू भने यसअघि पनि सीडीओ बनिसकेका छन् । परियारले शाखा अधिकृतबाट निजामती सेवामा प्रवेश गरेकी थिइन् ।
