Media Network

तनहुँमा ग्यास सिलिण्डर पड्किएर बालिकाको मृत्यु


खबरस्टोरी संवाददाता

२१ जेष्ठ २०७९,शनिबार

काठमाडौँ ।  तनहुँको भिमाद नगरपालिका–९ मा खाना पकाउने ग्यास सिलिण्डर पड्किएर एक बालिकाको मृत्यु भएको छ । मृत्यु हुनेमा ११ वर्षीया सुवेक्षा केसी रहेको प्रहरीले जनाएको छ ।

शुक्रबार राति ७ बजे स्थानीय शिवनारायण केसीको घरमा ग्यास सिलिण्डर पड्किएको प्रहरी नायव उपरीक्षक युवराज खड्काले बताए । उनका अनुसार टिनले छाएको दुईतले घरमा ग्यास सिलिण्डर पड्किएर आगलागी हुँदा शिवनारायणकी छोरी सुवेक्षाको घटनास्थलमै मृत्यु भएको हो ।

आगलागीबाट घरमा क्षति पुगेको छ ।स्थानीयवासीको सहयोगमा आगलागी नियन्त्रणमा लिइएको थियो ।



Share:
Reaction :
ताजा समाचार
खेलकुद