गत वैशाख ३० को मतदान बुथकब्जा भएपछि रद्द गरी विहीबार पुनः मतदान भएको थियो ।
अहिलेसम्म ४ हजार ३ सय ६३ मतगणना सकिदा एमालेका मेयरका उम्मेदवार रामबहादुर बाँनियाले २ हजार ४ सय ३८ मत प्राप्त गरेका छन् भने नेपाली कांग्रेसका रंगबहादुर खातीले १२९३ मत प्राप्त गरेका छन् ।
यस्तै उपमेयरमा एमालेकी मायाकुमारी खड्काले २७७७ मत ल्याएउँदा कांग्रेसकी रीता शाहीले १५२८ मत पाएकी छन् ।
अहिलेसम्म मत गणना सकिएका चारै वटा वडामा एमालेले जितेको छ । वडा नम्बर १ मा एमालेका रणबहादुर थापा ४१६ मत प्राप्त गरी निर्वाचित भए भने वडा नम्बर २ मा पनि एमालेकै पदमबहादुर भण्डारी ८३८ मतले विजयी भए ।
यसैगरी वडा नम्बर ९ मा पनि एमालेका मीनबहादुर सिंह ४८२ मतसहित निर्वाचित हुँदा वडा नम्बर १० मा पनि एमालेकै दलबहादुर सावद ५ सय ४८ मत प्राप्त गरि निर्वाचित भएका छन् ।
अहिले वडा नम्बर ८ र ३ को मतगणना जारी रहेको छ ।
