दाहालले ५१ हजार ६ सय ६६ मत प्राप्त गरिन् भने प्रमुख प्रतिद्वन्द्वी नेकपा एमालेका विजयी सुवेदीले ३९ हजार ३ सय ४३ मत ल्याएका छन् । कांग्रेसले माओवादीलाई मेयर छाडेको भन्दै असन्तुष्ट बनेका जगन्नाथ पौडेलले स्वतन्त्र उम्मेदवारी दिएका थिए । भुइँकटहर चुनाव चिन्ह पाएका उनले १४ हजार ७ सय ४१ मत प्राप्त गरे ।
१ लाख ८५ हजार कुल मतदाता रहेको भरतपुरको वैशाख ३० गतेको मतदानमा १ लाख २७ हजार ८३९ मत खसेको थियो ।
यस्तै, उपमेयरमा गठबन्धनबाटै कांग्रेसका उम्मेदवार चित्रसेन अधिकारीले निर्वाचित भएका छन् । उनले ५२ हजार ४ सय २१ मत प्राप्त गरेर विजयी भएका छन् ।
उपमेयरमा राष्ट्रिय प्रजातन्त्र पार्टीकी उम्मेदवार हिमला गुरुङले ३० हजार ४ सय ७७ प्राप्त गरेकी छन् । मेयरमा अधिकारीलाई उम्मेदवार बनाएको एमालेले उपमेयरमा राप्रपालाई समर्थन जनाएको थियो ।
