काठमाडौं, ललितपुर र बिराटनगरमा कांग्रेसले लिने सहमति बनेको छ भने भरतपुर माओवादी केन्द्रलाई तथा वीरगञ्ज जनता समाजवादी पार्टी (जसपा)लाई दिने सहमति बनेको छ ।
पाँच महानगरमा मेयरसहित उपमेयरको उम्मेदवार कुट पार्टीलाई दिने भन्नेमा पनि सहमति जुटेको बताइएको छ ।
काठमाडौं महानगरमा मेयर कांग्रेसले लिँदा उपमेयर एकीकृत समाजवादीलाई दिने सहमति भएको छ भने ललितपुरमा मेयर उपमेयर दुवै कांग्रेसले लिने सहमति बनेको छ ।
यसैगरी, विराटनगरमा मेयर कांग्रेसलाई दिँदा उपमेयर जसपालाई दिने सहमति जुटेको छ ।
यस्तै, भरतपुरमा मेयर माओवादीले लिने र उपमेयर कांग्रेसलाई दिने सहमति बनेको छ । भरतपुरमा पनि कांग्रेसले दाबी गरेकाले माओवादी मेयरबाहेक सबै वडाअध्यक्ष कांग्रेसलाई दिन तयार भएको छ ।
यसैगरी, वीरगन्ज महानगरमा मेयर जसपालाई र उपमेयर कांग्रेसले लिनेगरी मोटामोटी सहमति जुटेको छ ।
यस्तै, पोखरा महानगरमा भने कांग्रेस र एकीकृत समाजवादी दुबैले दाबी छाडेका छैनन् ।
