मेयर निर्वाचित चौधरीले ३१ हजार ७२८ मत प्राप्त गरे भने गठबन्धनका शर्माले २६ हजार ३६८ मत प्राप्त गरे ।
चौधरीले ०७४ को निर्वाचनमा पनि काँग्रेसका भुपबहादुर डाँगीलाई हराएका थिए । प्रारम्भिक गणनादेखि नै शर्माले अग्रता लिँदै आए पनि अन्तिमतिर पछाडि परेका थिए ।
यस्तै, घोराही उपमेयरमा पनि एमालेकै हुमा डिसी विजयी भएकी छन् । डिसीले गठबन्धनबाट काँग्रेसका उम्मेदवार भुपबहादुर डाँगीलाई मात्र ४९ मतले पराजित गरिन् ।
घोराहीमा एमालेले १९ वटा मध्ये १३ वडा जितेको छ भने गठबन्धनबाट कांग्रेसले ५ र माओवादीले १ वडा जितेको छ । घोराहीमा काँग्रेस, माओवादी र राष्ट्रिय जनमोर्चाले चुनावी तालमेल गरेका थिए ।
