निर्वाचन आयोगले मनोनयन दर्ता आह्वान गरेको शुरुवाती समयमै कार्कीले मेयरमा उम्मेदवारी दर्ता गराएका हुन् ।
राष्ट्रियसभा गृहमा रहेको मुख्य निर्वाचन अधिकृतको कार्यालयका गई कार्कीले उम्मेदवार मनोनयन दर्ता गराएका छन् ।
यस्तै, काठमाडौंको मेयरमा राष्ट्रिय यथार्थवादी पार्टी नेपालको तर्फबाट आनन्दराज जोशीले आइतबार उम्मेदवारी दर्ता गराएका छन् । काठमाडौंमा उम्मेदवार दर्ता गराउने उनी पहिलो हुन् ।
सरोज शाहीको प्रस्ताव र सरला शाहीको समर्थनमा जोशीले उम्मेदवारी दर्ता गराएको मुख्य निर्वाचन अधिकृतको कार्यालयले जनाएको छ ।
नराम्रा उम्मेदवारलाई हराउन र राम्रालाई जिताउनका लागि आफूले उम्मेदवारी मनोनयन दर्ता गराएको प्रतिक्रिया दिएका छन् ।
स्थानीय तह सदस्य निर्वाचन, २०७९ का लागि आइतबार र सोमवार ७७ वटा मुख्य निर्वाचन अधिकृत र ६ सय ७६ निर्वाचन अधिकृतको कार्यालयमा उम्मेदवारको मनोनयन दर्ता गर्न सकिने निर्वाचन आयोगले जनाएको छ ।
