गठबन्धनबाट हेटौंडा उपमहानगरपालिकाको प्रमुख पद नेकपा एसले जितेको छ । गठबन्धनकै बाबजुद एसका मेयर पदकी उम्ेमदवार मीनाकुमारी लामा २३ हजार ८० मत प्राप्त गरी निर्वाचित भएकी छन् ।
उनको निकटतम प्रतिद्वन्द्वी नेकपा एमालेका अनन्तप्रसाद पौडेलले २० हजार ९ सय ८ मत प्राप्त गरे ।
मेयरमै राप्रपाका उम्मेदवार दीपकबहादुर सिंहले २० हजार ५ सय ३१ मत प्राप्त गरे ।
उपमेयरमा गठबन्धनबाटै नेपाली कांग्रेसका राजेश बानिया फराकिलो मतअन्तरले विजयी भएका छन् । बानियाले ३३ हजार १ सय १४ मत प्राप्त गर्दा एमालेकी सुमित्रा काफ्लेले २४ हजार ३ सय २८ मत प्राप्त गरिन् ।
मेयरमा २० हजार बढी मत ल्याएको राप्रपाको उपमेयर उम्मेदवार इन्दिरा न्यौपानले भने ५ हजार ५ सय ९७ मत प्राप्त गरिन् ।
